Bullying, ginapatihan rason sang pagsuicide sang 11-anyos nga bata nga lalaki sa Leganes

Leganes, Iloilo–Patay ang 11-anyos nga bata nga lalaki nga nagbitay sa Barangay Cari Minor, Leganes.

Ginkonfirmar ni Senior Inspector Dedjie De Lima, officer-in-charge sa Leganes Police Station, ang insidente kahapon. Sa pagpangusisa sang mga pulis, naglumpat si alyas Toto halin sa bangko nga iya ginpatong sa katre samtang nahigtan ang iya leog.

Mabuot kag hipuson ang bata suno sa iya ginikanan kag mga manunudlo.

Bullying ang isa sa ginasunod nga rason sang insidente. Ginpahayag sang ginikanan nga nakasugid si Toto sang nagliligad nga mga semana nga may nakontra siya sa eskwelahan.

Nagpakig-angut na ang Leganes police sa tagdumalahan sang eskwelahan para sa dugang nga imbestigvasyon. Nagdesisyon ang pamilya nga indi na pag-ipa-autopsy ang bangkay ni Toto. (AGB)