(UPDATE) LTFRB 6, naghiwat sang hearing sa petition sang Light of Glory Taxi nga manukot sang booking fee

Iloilo City–Ginhiwat kaina ang hearing sa petition para sa booking charge sang Light of Glory Taxi sa Land Ttransportation Franchising and Regulatory Board ukon LTFRB Regional 6 subong nga hapon.

Suno kay Atty. Maria Josette Abellar, lakip sa ginpadal-an nila sang imbitasyon nga magtambung sa hearing ang mga student councils sa syudad, city kag provincial prosecutor’s offices, chairman sang transportation committee sa City Council kag Office of the Senior Citizens Affairs. Ginpahayag ni Atty. Abellar nga mahimo nila mareject gilayon ang petition kun wala sang makita nga rason sa ginahingyo sang tagdumalahan sang Light of Glory nga 50 pesos nga dugang nga sukot kon may magpa-booking sa syudad kag 100 pesos sa probinsya.

Mahimo man mapanubuan ang ginahingyo nga booking fee apang aprubahan pa ini sang LTFRB central office. (AGB)