20 anyos nga lalaki, ginreklamo nga naghimulos sa 16-anyos nga babaye; suspek, nagrason nga may relasyon sila sang tagreklamo

Iloilo City — Ginpasakaan sang kaso nga rape kag paglapas sa Child Abuse Law ang 20-anyos nga lalaki sa Molo matapos ginreklamo sang 16-anyos nga babaye nga iya nakilala sa birthday party.   Suno kay Senior Inspector Shella May Sangrines, OIC sang Women and Children Protection Desk sang Iloilo City Police Office, natabu ang ginpahayag nga paghimulos sang Nobyembre 23 sang gab-i. Ginpabutyag sang Grade 11 nga si alyas Lyn nga upod sila nag-inom sang suspek nga si alyas Turko upod sa ila kagrupo antes siya gindala sang lalaki sa ila lugar kag ginhimuslan.  Nanginwala naman si Turko nga ginpilit niya si Lyn nga mag-upod. Suno kay Turko, may relasyon sila sang dalagita kag nag-upod man ini sa iya kwarto. Gin-ako man ni Turko nga may natabu sa ila ni alyas Lyn. (JoMaque)