Wala Sang SPARU Sa Iloilo – Philippine Army
Iloilo – Wala sang presensya sang Special Partisan Unit ukon SPARU sang New People’s Army sa probinsya kag syusdad sang Iloilo.
Suno kay Captain Eduardo Precioso Jr, spokesperson sang 3rd Infantry Division sang Philippine Army, may nabaton sila sang kasubong nga impormasyon apang wala ini sang kunfirmasyon.
Pero gin-athag ni Precioso nga bisan negatibo nga may SPARU sa Iloilo, napadayon ang pagbantay sang Philippine Army upod sa Philippine National Police para maseguro ang safety sang publiko.
Una na ginkonfirmar nanday Iloilo Police Provincial Office Director Marlon Tayaba kag Iloilo City Police Office Director Henry Biñas nga negatibo ang impormasyon nga may presensya sang SPARU sa ila area.
(ATT)