Councilor Jay Treñas Naghingyo Sa DPWH Nga Temporaryo Nga Untaton Ang Gina-Obra Nga Bike Lane

Iloilo City – Ginhingyo ni Councilor Jay Treñas ang DPWH nga temporaryo nga untaton ang gina-obra nga bike lane bangud nakita nga indi pareho sa actual nga plano.

Nanotisyahan ni Treñas nga wala nasunod ang plano nga butangan sang area nga elevated kag loading and unloading area. Dapat man suno sa iya nga reflectorized ang nagaseparar sa bike lane.

Mapakigsapol si Treñas sa taga-DPWH, Mayor Joe Espinosa kag iban pa nga mga opisyal sang syudad kag mga bike groups agud ma-athagan gid ang pag-implementar. Ginpa-athag sang konsehal nga tuyo sang proyekto nga ma-engganyo ang pumuluyo nga magbisikleta kag mahatagan sang safe nga lane ang mga siklesta.

(ATT)