Driver’s license sang mga naglapas sa trapiko sa syudad, indi pagkumpiskaron sang mga traffic aides umpisa subong nga semana

Iloilo City — Indi pagkumpiskaron sang mga traffic aides sang Public Safety Transportation and Management Office (PSTMO) ang driver’s license sang mga driver nga naglapas sa trapiko sa syudad. Ini ang pahayag ni Mr. Raymundo “Boyet” Parcon, presidente sang Iloilo City Loop Alliance of Jeepney Owners and Drivers Association kasunod sang meeting kay PSTMO head Jeck Conlu. Suno kay Parcon, ginpalab-ot niya kay Conlu ang huol nga dala sang pagkumpiskar sang driver’s license rason nga nagpasugot ini.

Sa baylo nga magkumpiskar sang driver’s license, isyuhan sang traffic aide sang citation ticket ang driver nga traffic violator. Iga-alarm sang syudad ang LTO paagi sa pangalan sang driver kag i-submit kon indi magawad sang driver ang lisensya.  Yara na sa liderato sang PSTMO kon anu ang sistema sa pagsubmit sang pangalan sa LTO.

Apang gin-athag ni Conlu nga temporaryo lang nga indi sila mangkumpiskar sang driver’s license bangud wala sang Temporaryo Operator’s Permit (TOP). (JoMaque)