Mga nadakpan nga nagapanigarilyo sa pampubliko nga lugar sang Dinagyang Festival, naglab-ot sa 223

Iloilo City — Naglab-ot sa 223 ang mga nadakpan sang Iloilo City Anti-Smoking Task Force (ICAST) nga nagapanigarilyo sa pampubliko nga mga lugar sa tion sang Dinagyang Festival. Nalakip sa 223 ang foreigner nga nadakpan sa 7/11 convenience store malapit sa city hall kag 2 ka empleyado sang city hall. Suno kay ICAST Director Iñigo Garingalao, posible nga magapangatubang sang kaso administratibo ang regular employee kag job hire. Base sa ordinansa, ang mga madakpan nga naglapas sa Anti-Smoking ang magabayad sang P500 sa 1st offense, P1,000 sa 2nd offense kag P5,000 sa 3rd offense. (JoMaque)