Pangayaw nga lalaki, nabun-an sa guwa sang resto bar sa Mandurriao

Iloilo City — Pilason ang 27-anyos nga lalaki matapos ginbuno sa guwa sang resto bar sa Brgy. Bolilao, Mandurriao kaina sang kaagahon. Suno kay SPO2 Rex Tabuada, imbestigador sa Mandurriao Police Station, padayon nga ginabulong sa ospital ang biktima nga si Julie Magpantay sang Brgy. San Juan, Batangas nga may pilas sa wala nga paa kag wala nga siko. Arestado naman ang suspetsado nga ginkilala kay Jan Kirk Villegas, 24-anyos sang Brgy. Bolilao. Nagapati ang pulis nga gintripingan sang suspetsado ang biktima. (JoMaque)