NEDA 6, nagrekomendar nga himuon P8 ang regular fare sa mga jeep

Iloilo City–Ginrekomendar sang National Economic and Development Authority ukon NEDA ang P1.50 lang nga saka sa pletehan sa depasahero nga jeep.

Suno sa NEDA, rasonable ang P8 nga regular fare halin sa P6.50 bisan pa may pagsaka sa presyo sang mga produktong petrolyo kag iban pa nga produkto dala sang Tax Reform for Acceleration and Inclusion ukon TRAIN Law. Apang ginakonsiderar man sang NEDA ang hingyo sang mga transport groups. P5.50 ang orihinal nga nabutang sa petition for fare increase apang nagpasugot ang mga transport groups sa hingyo sang mga stakeholders nga himuon na lang P10 ang regular fare.

Base sa sulat sang NEDA kay LTFRB 6 Director Richard Osmeña, ginpahayag sang opisina nga dapat mangin patas sa mga operators, drivers kag publiko ilabe na sa mga estudyante kag senior citizens ang aprubahan nga fare increase. (AGB)