Isa naman ka Ilongga OFW sa Kuwait, nagreklamo nga ginasakit kag ginapahog nga ibaligya sang iya amo
Kuwait — Nagreklamo ang isa na naman ka Ilongga OFW sa Kuwait nga ginasakit siya kag ang upod nga Filipina sang ila employer.
Suno kay Emelson Beraye, 44-anyos sang Brgy. Cruz, Barotac Nuevo, bana sang OFW nga si Hazel Beraye, ginaguramos kag ginahampak ang mga OFWs sang botelya nga suludlan sang gatas sang ila employer nga babaye.
Dugang niya, ginapahog man sila sang employer nga ibaligya sa Saudi Arabia.
Nagreklamo man si Hazel suno sa iya bana nga wala na sila ginahatagan sang day-off kag ginalimitahan man ang ila pagkaun sugod sang nagligad nga bulan.
Nagapati si Hazel nga ginapangimunan ang upod niya nga OFW sang ila employer nga babaye.
Una na ginreklamo ni Hazel ang employer sang nagligad nga tuig apang nagdesisyon nga tapuson na lang ang kontrata.
2016 sang naglakat sa Kuwait si Hazel kag natalana matapos ang iya kontrata sa Mayo. (JoMaque)