Cong. Jerry Treñas, nag-react sa ginpahayag pagpahalin sa mga job hires sa City Hall nga identified sa iya

Iloilo City–Gin-ako ni Congressman Jerry Treñas nga nagasakit ang iya buot bangud sa pagpahalin sa mga tawo sa City Hall nga identified sa iya.

Ang pahayag ginhimo sang kongresista kasunod sang impormasyon nga may jobhires sa city hall nga identified sa iya nga ginpahalin.

Suno kay Treñas, pangabuhian sang mga tawo ang madula.

Ginpahayag sini nga may nagtawag sa iya opisina kag may ginhatag nga ngalan sang mga casuals. Ginpahibalo ang mga ini nga tubtob na lang sa Marso 31 ang ila trabaho.

Sa pihak sini, ginpahayag sang kongresista nga nagahatag gihapon siya sang “benefit of the doubt” bangud posible suno sa iya nga may “dyutay lang nga sala.”

Panugyan sang kongresista sa mga nagatrabaho sa city hall, maghatag na lang sang sabat sa pamangkot ilabe na kun may kaangtanan sa pulitika, “santu sa gusto sang nagapamangkot.” (AGB)