(UPDATE) Choreographer Rommel Flogen, mauntat na sa Dinagyang Festival

Iloilo City–Mapahuway sa pagtudlo sang choreography sa mga tribu kag pagpartisipar sa Dinagyang Festival ang choreographer nga si Romel Flogen.

Suno kay Flogen, nakapoy na siya magpanundom kag insakto na ang 50^th year sang Dinagyang sang nag-champion ang duha ka tribu nga iya gintudluan.

Gin-athag naman sini nga sa Dinagyang lang siya ma-untat sa pagtudlo  kag indi sa iban nga mga festivals.

Sang damlag lang, gin-ako ni Flogen nga nagsakit ang iya buot sa Iloilo Dinagyang Foundation, Inc. kasunod sang pagkakas sang iya pangalan sa listahan sang mga contingents nga nagpadulong sa New York para sa Independence Day celebration.Ginpahayag nga na-offend ang IDFI sa pahayag ni Flogen nga kulang ang pundo sang Dinagyang Festival para sa Aliwan Fiesta sang Manila Broadcasting Company. Nagtupa lang sa ikatatlo nga lugar ang Tribu Panayanon sang Iloilo City National High School samtang nagapangaduha ang Hubon Mangunguma sang Guimaras nga gin-choreographed man ni Flogen.

Ginpabutyag ni Flogen nga sa malawig nga tuig niya nga pagtudlo sa Dinagyang, ginhatag niya ang tanan kag resulta dire ang makalima ka beses nga pag-kampeon sang festival sa Aliwan Fiesta. (AGB)