Bailey bridge sa Miag-ao, mahimo na labayan sang mamag-an nga mga salakyan suno kay Mayor Mac Napulan

Miag-ao, Iloilo–Mahimo na maagyan ang bailey bridge ukon ang steel bridge sa Miag-ao sang mga mamag-an nga mga salakyan suno kay mayor Mac Napulan.

Ini matapos nga ginsirado ang taytay kagab-i bangud sang pagtaas sang lebel sang tubig sa suba.

Temporaryo nga na-stranded ang mga salakyan kagab-i bangud sa pagpasirado sang taytay.

Indi naman maagyan ang overflow bridge sa lugar bangud gin ab-ab sang tubig ang punta sini.

Gin-athag sang alkalde nga ang mga mamag-an kag magagmay pa lang nga salakyan ang pwede maka-agi sa taytay. (AGB)