Contractor sang 3 delayed road projects sa syudad ginpapanaugan sang notice of termination sang ICDEO
Iloilo City — Ginpapanaugan sang Notice of Termination ni City District Engineer Rodney Gustilo ang tatlo ka delayed road projects sa syudad.
Suno kay Engr. Gustilo, lampas na sa 15% ang negative slippage ukon delay sa pag-obra sang road project sa Brgy. Veterans Village kag Brgy. Zamora City Proper kag Brgy. Balantang, Jaro.
Sala sang mga contractor nga ginabug-usan sang H.F. Enterprise, ALJ Construction and Supply kag Audric Construction kasubong sang kulang nga equipment kag materyales kag indi manami nga site management ang gintunaan sang ila delay nga pag-obra.
Matandaan, una na nga nag-issue sang Notice of Termination ang Iloilo City District Engineering Office sa Legacy Construction kag JHJ Construction bangud sang ila delayed nga pag-obra. (JoMaque)