Pag-ulan dala sang Habagat nga ginpabaskug sang Bagyo Ompong, nabatyagan na sa pila ka parte sang Panay, Guimaras kag Negros; gale warning, gin-isyu sang PAGASA sa kadagatan sang Western Visayas

Iloilo City–Mabatyagan na ang pag-ulan sa pila ka parte sang Panay bangud sa Habagat nga ginpabaskug sang Bagyo Ompong.

Suno kay Charlie Depra sang PAGASA Iloilo, namonitor nila ang mahina tubtob kasarangan nga pagbubo sang ulan sa Antique, Southern kag Central Iloilo, Guimaras kag Southern Negros. Posible nga magabaskug pa ang pag-ulan karon sa gab-i, Setyembre 14, tubtob buwas. Gina-forecast sang PAGASA nga magalandfall ang bagyo sa Cagayan-Isabela area buwas sa kaagahon.

Nagpaguwa naman sang gale warning subong nga hapon ang PAGASA sa kadagatan sang Panay, Guimaras kag Negros nga nagakahulugan sang dalagku nga pagbalud. (AGB)