1 patay, 1 pilason sang nagbungguanay ang trisikol kag motorsiklo sa Passi City

Gines Viejo, Passi City – Dead-on-arrival sa Don Valerio Palmares Memorial District Hospital ang driver sang trisikol nga si Ricardo Gaspar, 32-anyos sang Passi City nga may patal nga pilas sa ulo kagab-i, Oktubre 3.

Pilason naman ang driver sang motorsiklo nga si Cedric Paccial, 20-anyos.

Suno kay SPO2 Reggie Pedroso, imbestigador sang Passi City Police Station, nagsugat-anay ang duha nga resulta sang aksidente.

Nahulog sa trisikol si Gaspar kabangdanan nakalampos ang ulo sini sa semento. (JoMaque)