Negosyante sa Barotac Viejo, dakup sa raid

Barotac Viejo, Iloilo – Arestado si Ariel Escarilla sang Barangay San Geronimo, Barotac Viejo matapos ginserbihan sang search warrant pasado alas-4 kaina sang hapon, Oktubre 3.

Suno kay PCI Joeven Arevalo, hepe sang Barotac Viejo MPS, nakabaton sila sang impormasyon nga may indi lisensyado nga pusil ang subject gani nag-apply sila sang search warrant.

Nakita suno kay Arevalo sa balay sang subject ang 38 cal. revolver nga may 6 ka bala sa cylinder, 5 ka bala sang cal. 22 kag 22 ka basiyo sang cal. 38. (JoMaque)