9-ka tuig nga bata nga babaye, nalumos samtang nagapaligo sa beach resort sa Oton
Barangay Alegre, Oton – Nalumos ang siyam ka tuig nga bata nga babaye samtang nagapaligo sa Adelfa Beach Resort kahapon, Nobyembre 4. Patay na kag naga-utaw-utaw sang nasapwan si alyas Inday sang iya mga kaupod.
Suno kay Chief Inspector Gervinson Moyo, hepe sang Oton Police Station, naligo si alyas Inday kaupod ang isa pa ka walo ka tuig nga babaye sang hinali lang nagsarurot si Inday. 20 minutos pa antes nakita ang lawas ni Inday.
Nakapangayo pa sang bulig ang walo ka tuig pero ulihi na.
Dugang ni Moyo, nagseparar ang duha ka bata sa mga upod nila nga tigulang rason wala gilayon natalupangdan ang pagkalumos ni Inday. (JoMaque)