MEETING SANG GINTUKOD NGA TECHNICAL WORKING GROUP AGUD MASIGURO ANG SMOOTH TRANSITION SANG BAG-O NGA POWER DISTRIBUTOR SA ILOILO CITY NANGIN MADINALAG-ON SUNO KAY COUNCILOR JOSHUA ALIM

Ginakabig ni Councilor Joshua Alim nga madinalag-on ang meeting sang technical working group nga gintukod sang Senate Committee on Public Services agud ma-istoryahan ang smooth transition sang bag-o nga power distributor sa Iloilo City.

Suno sa konsehal, ginpresentar sang taga-Energy Regulatory Commission nga hatagan sang duha ka tuig ang Panay Electric Company agud mag-operate samtang naga-transition ang bag-o nga power distributor.

Pero ginbalabagan ni Alim ang duha ka tuig bangud malawig na ini suno sa konsehal.

Ginpahayag ni Alim nga nagpromisa ang MORE Electric and Power Corporation nga pwede na sila maka-operate makaligad ang apat tubtob anum ka bulan nga transition.

Nalip-utan naman si Senador Sherwin Gatchalin sa anum ka bulan kag sa baylo, ginsuhestyun ang isa ka tuig nga transition period.

Desisyunan sang senado kon ano ka lawig ang transition period pagkatapos nga matipon ni Committee chairperson Senator Grace Poe ang opinion sang TWG.

Kaupod ni Alim nga gin-imbitar ni Poe sa meeting sang TWG si Councilor Plaridel Nava.

Wala naman naka-abot ang representative sang PECO.