(UPDATE) 34 anyos nga misis sa Leganes, nanginwala sa akusasyon sang iya 35 anyos nga bana nga may relasyon sila sa ila 15 anyos nga bata

Leganes, Iloilo–Ginpanghiwala sang 34 anyos nga asawa ang akusasyon sang iya 35 anyos nga bana nga may relasyon sila sang iya 15-anyos nga bata nga lalaki kag nagabusong na siya.

Ginrason ni alyas Reg-Reg nga naimpito siya gani nabun-an ang iya asawa nga si alyas Ging-Ging kag bata nga si alyas Bert kagab-i, Nobyembre 11.

Suno kay Ging-Ging, natural lang nga magdugsinganay sila sang iya bata bilang mag-iloy. Gin-ako sang iloy nga lima pa lang ka tuig si Bert sang ginbayaan niya kag nagkadtu siya sa Manila.

Gin-ako man sang asawa nga mga tatlo ka bulan na sila nga wala nagahulid sang iya bana makaligad ang napulo ka tuig.

Gin-athag ni Ging-Ging nga nagbalik siya kay Reg-Reg para lang sa ila bata kag wala na siya sang balatyagon sa bana.

Desidido naman si Ging-Ging nga pasakaan sang kaso ang bana. (AGB)