Lalaki, natiruhan sang iya kasilingan sa Pavia, naospital
Pavia, Iloilo – Pilason ang lalaki sang natiruhan sang iya kasilingan sa Barangay Pal-agon, Pavia subong nga gab-i, Nobyembre 17.
Ginkilala ang biktima kay Rudy Fruelda, 37-anyos sang Barangay Democracia, Jaro kag temporaryo nga nagatiner sa lugar nga napilasan sa wala nga tuhod.
Ginatudlo ni Thelma Gregori, ugangan ni Fruelda nga si Jhun Mark Suerte ang nag-tiro sa biktima.
Kaina sang udto suno kay Gregori gin-tirador ang ila balay ni Suerte kaupod ang iya amay kag naigu pa ang menor-de-edad nga bata ni Fruelda.
Subong nga gab-i, ginbatu naman suno kay Gregori ang ila balay kabangdanan na-impito ang biktima kag ginpadulongan ang nahamtangan sang nagapangsato.
Nakibot lang sila sang nakabati sang anum ka lupok kag nakit-an nga pilason si Fruelda.
Gina-agawan nga dulunan sang duta suno kay Gregori ang motibo sa pagluthang kay Fruelda bangud ginpahayag niya nga ginaangkon ini sang pamilya ni Suerte.
Ginpanginwala naman ni Suerte ang akusasyon batuk sa iya. Yara na si Suerte sa custody sang Pavia Police. (JoMaque)