LTFRB 6, indi pa makadesisyon kon panubuan ang plete sa rehiyon

Iloilo City – Ang central office sang Land Transportation Franchising and Regulatory Board (LTFRB) ang makadesisyon kon panubuan ang pletehan sa Visayas.
Pahayag ini ni LTFRB 6 Director Richard Osmeña angut sa sunod-sunod nga pagnubo sa presyo sang mga produktong petrolyo.

Suno kay Osmeña, bisan masobra na P12.00 ang gin-nubo sa presyo sang gatong, pierde gihapon ang mga operators kag drivers sa iya panan-awan bangud man sa asud-asod nga saka sa presyo sang nagliligad nga binulan.

Ginatun-an man sang LTFRB suno kay Osmeña ang bracketing nga pareho sa ginduso sang Iloilo City Loop Alliance of Jeepney Owners and Drivers Association nga automatic ang pagnubo kag pagsaka sang pletehan, depende sa presyo sang gatong. (JoMaque)