Iloy nga nagpatay sa iya 7 ka bulan nga lapsag paagi sa paggulgol kag pagsuyop sa dugo sang bata, naghinulsol sa iya ginhimo suno sa pulis

Barotac Viejo, Iloilo — (UPDATE) Naghinulsol ang 28 anyos nga iloy nga nagpatay sa iya pito ka bulan nga lapsag ngalalaki sa California, kahapon sang hapon (Disyembre 7).

Suno kay Chief Inspector Joven Arevalo, hepe sang Barotac Viejo Police Station, nagasabat man ang babaye kon ila pamangkuton.

Ang babaye man ang nagsaysay sang nagresponder ang mga pulis nga ginpatay niya ang lapsag paagi sa paglaslas sang liog, pag-gunting sang puwak kag ginsuyop pa ang dugo sang bata bangud nauhaw siya.

Nagapabilin sa custody sang police ang asawa samtang wala na sang plano nga mag-file sang kaso ang 33 anyos nga bana bangud naluoy siya sa asawa.

Sa pagkahibalo naman ni Punong Barangay Kelly Bañes, wala sang balatian ukon nagasuprer sang nerbyosang babaye.

Nagabulante sang ulutanon ang mag-asawa suno sa kapitan. (JoMaque) via Aksyon Firingline