Department of Energy, liwat ginpasiguro ang padayon nga supply sang elektrisidad sa Iloilo City bisan maga-expire ang franchise sang PECO

ILOILO CITY — Liwat nga ginpasiguro sang Department of Energy nga mapadayon ang supply sang elektrisidad sa syudad bisan ma-expire na ang prangkisa sang PECO sa Enero 19 kag wala pa napirmahan sang presidente ang prangkisa sang MORE Electric and Power Corporation.

Suno kay Department of Energy-Electric Power Industry Management Bureau Director Mario Marasigan, posible nga mag-isyu sang certificate of public convenience ang Energy Regulatory Commission sa PECO para magpadayon ang ila operasyon tubtob nga may prangkisa na ang MORE.

Ginpahayag man ni Marasigan nga naga-coordinate sila sa ERC sa possible scenario sang government take over.

Apang gin ako ni Marasigan nga mabudlayan ang gobyerno bangud pribado nga kompaniya ang PECO kag mas naga-focus sila sa transition period. (JoMaque)