Mag-iloy nahulog sa ferris wheel sa peryahan sa Mandurriao

Iloilo City — Nahulog ang mag-iloy samtang naga-sakay sa ferris wheel sa peryahan malapit sa Gaisano ICC mall sang Enero 26. 

Diutayan naman nga mahulog ang isa pa niya ka bata. 

Sa pagpangusisa sang Aksyon Radyo, nagasakay sa ferris ang iloy kag duha niya ka bata, 2 ka tuig kag 4 ka tuig ang edad, sang napalos ang lock sang ila pulungkuan nga ginasakyan. 

Una nga nahulog ang mag-iloy kag nagkabit-kabit naman ang apat ka tuig nga bata kag natigayon nga ma-rescue. 

Nagpalanakit ang lawas sang mga nahulog pero nagpa-iway na nga magpa-ospital. Wala man nagpakilala ang mag-iloy. 

Temporaryo nga ginpauntat ang operasyon sang ferris wheel. Nag-istoryahanay na ang tag-iya sang peryahan kag ang mag-iloy. (JoMaque)