96 nadakpan, 182 ka pusil, nakomfiskar sa nagapadayon nga election gun ban
Region 6 — 96 na ang nadakpan nga naglapas sang Comelec gun ban sa Western Visayas angut sa May 13, 2019 elections.
Suno sa Police Regional Office ukon PRO-6, 182 ka mga pusil ang nakomfiskar sa mga nadakpan sang nag-umpisa ang gun ban sang Enero 13 kag magatakop sa Hunyo 12, 2019.
Sa data sang PRO-6, tatlo ka security guard, government employee kag ang nabilin mga pribado nga individual ang nadakpan.
Ginapaabot ni PRO-6 spokesperson Supt. Joem Malong nga madugangan pa ang mga pusil bangud nagapadayon pa ang police operations. (JoMaque)