Pastor nakuhaan sang pusil sa Tigbauan, arestado

Tigbauan, Iloilo– Arestado ang 45-anyos nga pastor matapos nakuhaan sang pusil sa iya balay sa Barangay San Rafael kahapon, Pebrero 13.

Nagpaguwa sang search warrant ang Tigbauan Police makaligad nakabaton sila sang impormasyon nga masami nagapakawal sang 357 nga pusil si pastor John Castro Jr.

Magluwas sa pusil, na-recover sa iya possession ang holster kag anum ka bala.

Wala sang may ginpakita nga nagakaigo nga papeles sa iya pusil si Castro kabangdanan ginhunong sa karsel sang Tigbauan Police Station.

Si Castro ang may kaso sadto nga murder kag illegal possession of firearms. (JoMaque)