Former Mayor Jed Patrick Mabilog, liwat namitlangan ni Pres. Duterte sa general assembly sang LMP

Manila– Namitlangan na naman ni Presidente Rodrigo Duterte si former Iloilo City Mayor Jed Patrick Mabilog sa iya pagtambong sa General Assembly sang League of Municipalities of the Philippines ukon LMP sa Manila Hotel kagab-i, Pebrero 26.

Sa iya speech, ginbuyagyag ni Duterte nga “masunod” na kuntani sa iya listahan si Mabilog pero nagpalagyo kag nag-istar sa abroad.

Wala man gin-specify sang Presidente kun ano ang iya buot silingon sa pahayag nga “masunod” si Mabilog.

Una diri, ginpahayag ni Duterte nga masami niya ginamitlang si Mabilog bangud nagaguwa sa madamo nga intelligence sources nga involved siya sadto sa illegal drugs. (JoMaque)