P600,000 nga balor sang suspected shabu, nakumpiskar sa anti-drug operation sa Negros Occidental

Bacolod City – Arestado sanday Benjamin de Juan Montalvo kag Benjamin Tentiya Agravante sang Brgy. 1, Bacolod City kag ginakabig nga high value target drug personalities sa anti-drug operations sang PDEA Negros Occidental kag police kahapon, Marso 8.

54 ka sachets sang suspected shabu nga ginabanta may street value nga P612,000, drug paraphernalia kag improvised shotgun nga may mga bala ang nakuha sa duha.

Ginapreparar na ang kaso nga ipasaka batuk sa duha bangud sa paglapas sang Comprehensive Dangerous Drugs Act of 2002.  (JoMaque)