Napatay sa engkuwentro sa Miag-ao, ginkilala sang iya pamilya

Miag-ao, Iloilo (UPDATE) – Gin-identify sang pamilya ang napatay sa engkwentro sang Barangay Alimodias, Miag-ao sang Marso 24 nga ginpahayag NPA member.

Positibo nga ginkilala ni Lolita Seterra sang Barangay Danawan, San Joaquin ang iya manghud nga si Leonardo Seterra, 47 anyos, anay barangay kagawad.

Pebrero 28 suno kay Lolita sang naglisensya si Leonardo nga ma-obra sa Oton gani nakibot sila sang nabalitaan nga napatay siya sa engkwentro.

Una na nga ginpabutyag ni Lieutenant Colonel Sisenando Magbalot Jr, commanding officer sang 61st Infantry Battalion sang Philippine Army nga naggamit sang lain nga identification card ang napatay.

Suno kay Magbalot, madugay na nga patay si Leonardo Seterra sang ila gin-verify.

Pero ginapanindugan ni Lolita nga isa lang nga Leonardo Seterra ang iya manghud sa ila lugar. (JoMaque)