Iloy nga nagabusong upod ang duha niya ka bata, patay sang na-trap sa nasunog nila nga balay sa Zarraga
By: JoMaque | Abril 21, 2020
Zarraga, Iloilo—Patay ang nagabusong nga iloy kag duha niya ka bata sa natabu nga sunog sa Barangay Pajo, Zarraga kagab-i, Abril 20.
Na-trap sa ila balay ang mag-iloy nga ginkilala kanday Lilibeth Hechanova, 37-anyos nga apat ka bulan nga nagabusong, duha niya bata nga naga-edad sang siyam kag apat ka tuig.
Totally-damaged ang balay sang pamilya Hechanova.
Sa initial report sang Bureau of Fire Protection-Zarraga, narusdak ang ibabaw nga porsyon sang balay kag natabunan ang mag-iloy sa idalum.
Gina-imbestigaran pa sa BFP kun ano ang ginhalinan sang kalayo.