Iloilo City Gov’t, ginakonsiderar ang pag-request sang mas mataas nga quarantine status bangud sa padayon nga pagdamo sang COVID-19 cases

ILOILO CITY — Ginakonsiderar sang Iloilo City Government ang pag-request sang mataas nga quarantine status sang syudad.

Suno kay Mayor Jerry Treñas, ginakonsiderar ang pag-request sa IATF sang mas mataas nga quarantine status pareho sang GCQ. Ini bangud padayon ang pagtaas sang COVID-19 cases sa syudad, kag nagapuno naman ang mga ospital.

Sa May 15 data sang Iloilo City Epidemiological and Surveillance Unit, naka-record sang 48 COVID-19 cases ang syudad, lakip na ang isa ka napatay nga COVID-19 positive. — via Aksyon Jeremae Ventar