IPPO, wala pa makabaton sang kopya sang resolution sang piskalya may kaangtanan sa kaso nga pagpatay kay Claire Diergos

ILOILO – Wala pa sang may nabaton ang Iloilo Police Provincial Office (IPPO) nga kopya sang resolution nga ginpaguwa sang Iloilo Provincial Prosecutor’s office may kaangtanan sa pagpatay kay Claire Diergos, ang babaye nga nasapwan sa gin-abandonar nga salakyan sa Brgy. Inangayan, Sta. Barbara sang Oktubre 26, 2021.

Suno kay PMSg Francisco Lindero, spokesperson sang IPPO, mangayo pa sila sang kopya sang resolution antes magpaguwa sang statement.

Sa subong, indi pa maka-komentar ang IPPO may kaangtan diri bangud wala pa nila mabasa ang resolution suno kay Lindero.

Ginpabutyag naman ni PMAJ Rolando Araño, hepe sang Pavia MPS, nga kun mabaton nila ang kopya sang resolution, gilayon nila ini ipasa sa ila legal counsel agud matun-an kag mahibaluan ang masunod nila nga himuon.

Nagaplano man si Araño nga mag-contact sa pamilya ni Diergos. – via Angel Mae Ciudad