Balay, nasunog sa Jibao-an, Pavia

ILOILO — Totally burned ang balay nga ginapanag-iyahan ni Emily Calabroso, 53 anyos sa nagluntad nga sunog sa barangay Jibao-an, Pavia kahapon, Agosto 16.

Suno kay Calabroso, yara siya sa Jibao-an Elementary School agud nga mag-attend sang PTA meeting sang gintawgan sang iya nga bata nga nasunog ang ila balay.

Human sa light materials ang balay ni Calabroso rason nga madasig nga naglapta sang kalayo. 

Lakip sa nasunog ang ginatago nga kwarta ni Calabroso.

Safe naman nga nakaguwa sa ila balay ang 80 anyos niya nga iloy kag mga kabataan.  

Suno kay Crystal, bata ni Calabroso, may nabatian siya nga lupok sa kwarto sang iya magulang antes ang sunog.        

Nagapadayon ang imbestigasyon sang bureau of fire protection sang ginhalinan sang sunog. — via Aksyon Cedrick Anona