Mga kilohan sa Iloilo Terminal Market, gin-inspection sang taga-LEEO

ILOILO CITY – Nag-inspection ang market enforcers sang Local Economic Enterprise Office (LEEO) sa mga kilohan sang mga vendors sa Iloilo Terminal Market sang nagligad nga semana.

Katuyuan sini suno kay LEEO Head Maricel Mabaquiao nga masiguro nga wala sang deperensiya sa mga kilohan bangud may mga reklamo sila nga nabaton nga kulang ang kinilo sang ila pinamakal.

May mga “Timbangan ng Bayan” man nga ginpahamtang sa mga merkado agud magamit sang mga bumalakal sa pag-check sang ila pinamakal, dugang pa ni Mabaquiao.

Random checking ang ginahimo sang mga market enforcers kag naka-skedyul na ang inspection sa kada merkado.

Ginpahayag ni Mabaquiao nga mahimo indi na pagpasugtan nga makabaligya ang mga vendors nga pila ka beses madakpan nga nagapangdaya sang kilohan.