Imbestigasyon sang City Council sa erroneous billing sang PECO, hiwaton subong nga adlaw

Iloilo City — Magahiwat sang imbestigasyon sa iregularidad sang Panay Electric Company (PECO) ang Committee on Public Utilities nga ginapamunan ni Councilor R Leone Gerochi subong nga adlaw.

Suno kay Gerochi, imbestigahan ang billing process sang PECO, kun ano ang mga account statements sa bill, formula nga ginagamit kag computation sa bill.

Ginpahayag ni Gerochi nga imbitado ang tanan nga magtambong sa imbestigasyon.

Samtang ginpahayag naman ni Gerochi nga isa sa mga pamaagi nga makabulig sa mga pumuluyo ang indi pag duso sang renewal sang franchise sang PECO.

Kasunod ini sa ginpahayag ni Congressman Jerry Treñas nga ma- inhibit siya sa pagpa imbestiga sa PECO sa kongreso bangud kliyente sang ila law firm. Suno sa iya mabudlay nga mangin pulitiko nga abogado rason nga dapat balansehon nila ang ila obligasyon. (JoMaque)