Miembro sang Phil. army, ginpreso matapos nagpangtiro sa arrozcaldohan sa Janiuay

Janiuay, Iloilo — Ginpreso ang miembro sang Philippine Army matapos na-involve sa komosyon kag nagpangtiro sa arroz caldohan sa Brgy. Jibolo, Janiuay. Suno kay Police Senior Inspector John Paul Guay, hepe sang Janiuay Police Station, una nga ginsaway sang suspetsado nga si Joylyn Adorable, 29-anyos sang Talaba, Badiangan ang biktima nga si Mark June Manajero, 26-anyos sang San Julian, Janiuay matapos nagreklamo nga wala na sang ahos kag nagsinabad. Apang nagsuay pa gid ang magtimbang nga kampo suno kay Guay kag hinali lang nga nagpangtiro ang suspetsado. Nagtambag ang upod ni Adorable nga si R-jay Solinap, 20-anyos sang Talaba, Badiangan kag naigo sa wala nga kamot suno kay Guay samtang naigo man ang biktima kag napilasan sa wala nga kilid. Gilayon nga gindala sa ospital si Solinap kag si Manajero. Nagsurrender naman sa Janiuay police si Adorable dala ang gingamit nga caliber .45 pistol. Naka-inom ang suspetsado kag biktima sang nagluntad ang insidente suno kay Guay. (JoMaque)