IPPO, naga-imbestigar na sa ginpahayag pag-egsister sang goons sa 5th district

Iloilo–Gina-imbestigaran na sang Iloilo Police Provincial Office ang pag-abduct sa 22-anyos nga si alyas Era sang Barangay Central, Ajuy.

Suno kay IPPO Director PSSUPT Marlon tayaba, may lead na sila kag may ginasunod nga person of interest. Apang nagbalibad pa si Tayaba nga maghatag sang dugang nga detalye samtang padayon ang imbestigasyon.

Lakip sa gina-imbestigaran suno kay Tayaba kon sin-o ang nagagamit sang goons sa Quinto Distrito.

Lunes sang gab-i sang gindala sang duha ka armado nga lalaki si alyas Era samtang nagalantaw siya sang telebisyon sa ila balay upod sa iya ginikanan kag utod nga lalaki. Naguwa ang impormasyon nga may karelasyon si Era nga negosyante nga kasado. Ginpabutyag naman sang amay sang babaye nga bulagay na ang iya bata kag ang negosyante. Wala gihapon nabalik si Era tubtob subong. (AGB)