PDEA 6 Director Wardley Getalla, nagpasalig nga masarangan sang ahensya ang anti-drugs operations

Iloilo City–Nagapati si Philippine Drug Enforcement Agency 6 Regional Director Wardley Getalla nga masarangan sang ahensya ang pag-away sa illegal nga druga.

Kasunod ini sang mandu ni Presidente Rrodrigo Duterte nga itugyan sa PDEA ang anti-drug operations sa war on drugs sang gobierno.

Gin-ako ni Getalla nga kulang sa mga tinawo ang ahensya apang puwede sila gihapon makapangayo sang bulig sa iban pa nga law enforcement agencies sa gyera kontra druga. Kinahanglan lang suno sa iya ang proper coordination sa nasambit nga mga ahensya agud mahimo ang ila mandate. (AGB)