Mayor Joe Espinosa, nagpa-andam nga may nagagamit sang iya pangalan nga nagapangayo sang kuwarta

Iloilo City–Nagpa-andam si Mayor Joe Espinosa sa publiko nga may nagagamit sang iya pangalan agud magpangayo sang kuwarta.

Suno kay Espinosa, may nagkadto sa iya nga staff sang isa ka hotel kag nagpabalo nga may nagtawag sa ila nga nagapangayo sang P150,000 gamit ang pangalan sang alkalde. Ginpanugyanan ni Espinosa ang iban pa nga makabaton sang pareho nga tawag nga magpakig-angut sa Office of the City Mayor agud makumpirmar.

Ginmanduan na ni Espinosa ang iya executive secretary nga i-report sa NBI ang natabu. (AGB/JV)