Iloilo City Mayor Jerry Treñas nagpamahog nga ideklarar nga ‘persona non grata’ si DPWH Sec. Manuel Bonoan kun indi makahatag sang update sa Ungka flyover

ILOILO CITY — Ideklarar ni Iloilo City Mayor Jerry Treñas si Department of Public Works and Highways (DPWH) Secretary Manuel Bonoan nga “Persona non grata” pananglitan indi makahatag sang update may kaangtanan sa Ungka Flyover.

Sa ginpatawag nga meeting sang alkalde sa mga taga-DPWH 6, LTFRB, LTO kag PSTMO kahapon, Enero 10, ginpabutyag niya nga nagahangla ang publiko sa mga updates halin sa DPWH 6 apang wala sila sang may ihatag.

Sa amo man nga meeting, ginpamangkot man ni Treñas si DPWH 6 Regional Director Nerie Bueno kun diin nahamtang ang iya opisina kag kun sin-o ang alkalde ang siyudad.

Ini bangud wala nauyunan ni Treñas ang panabat ni Bueno sa iya mga pamangkot.