Ginrekomendar ni Department of Public Works and Highways 6 Regional Director Nerie Bueno sa Bureau of Design sang DPWH Central Office nga buksan ang Ungka flyover para malabayan sang light vehicles sa pagselebrar sang Dinagyang Festival 2023.
Sa ginpatawag nga meeting ni Iloilo City Mayor Jerry Treñas sa taga-DPWH6 kag PSTMO kahapon, Enero 10, ginpahayag ni Bueno nga makahuluya sa mga bisita nga mapadulong sa festival kun maka-eksperyensya sang pagpugok sang trapiko.
Dugang pa niya, nagahulat na lang sila sang desisyon sang taga-Bureau of Design sa rekomendasyon.
Pananglitan nga indi ma-aprubahan, wala na sila sang may mahimo kundi sundon ang desisyon sang Bureau of Design suno pa kay Bueno.
