ILOILO CITY – Makonsiderar nga visiting drug den ang isa ka tawo kun makita siya sa lugar sa diin ginhimo ang drug buy bust operation.
Ini ang ginpaathag ni Police Major Rommel Anicete sang Regional Police Drug Enforcement Unit (RPDEU).
Suno sa iya, kun sin-o ang yara sa lugar nga natumod nga drug den sa tiun sang ila operation, makunsiderar nila ini nga visiting drug den bisan ano man ang distansiya sa area sa diin gin-conduct ang operasyon.
“[Kung] considered kasi na drug den ‘yun, tapos ikaw naman na hindi taga roon, wala kang ibang means na pangkabuhayan sa lugar na ‘yun at nandon ka during the conduct ng operation, ma-consider natin siya na visiting drug den siya. Regardless kung gaano siya ka layo o gaano siya kalapit,” paathag ni Anicete.
Dugang pa niya nga sa korte na lang magpaathag ang madakpan tungod sa visiting drug den kun ngaa yara siya sa lugar kag ano ang iya ginahimo.
“Ngayon siya na ang bahala dun sa korte kung paano niya ipaliwanag ‘yung mga ebidensiya’ng sinasabi niya kung na nandoon lang ba siya ‘nung nangyari ang operation, nandoon siya sa drug den na ‘yun, may sinisundo man siya, or kung ano man ang ginagawa niya na hindi siya taga-roon bakit siya nandoon? Talagang dapat ipaliwanag niya na lang during the hearing sa korte,” dugang ni Anicete.
Sang Enero 26, lakip sa nadakpan ang tricycle driver nga si Manuel Jones Señolay sa 32 ka mga nadakpan sa drug buy bust operation sa Bakhaw, Mandurriao. Pero ginpanindugan niya nga nagdul-ong lang siya sang pasahero sa lugar sa tiun nga gin-conduct ang drug buy bust operation.
