GUIMARAS— Naupos sang kalayo ang kusina sang isa ka balay sa Brgy. Lucmayan, Nueva Valencia, Guimaras sang Lunes sang gab-i, Agosto 21.
Ginapanag-iyahan ni Kagawad Angelita Gaitan ang balay.
Suno kay Fire Officer 2 Ronnie Ganancial, Arson Investigator sang Nueva Valencia Fire Station, las-6:30 kagab-i sang nagdabok ang tagbalay sang kalayo agud magla-ga sang mais.
Naglakat ang bana sang kagawad agud magpang-spray sa humayan samtang nagabantay ang kagawad, suno kay Ganancial.
Ginpahayag sang kagawad nga gulpi lang may nagtawag sa iya cellphone kag nabayaan sang makadali ang linuto pero sang pagbalik niya sa kusina, nagdaba-daba na ang kalayo tungod paya ang ila gingatong.
Gilayon nga nagpangayo sang bulig ang kagawad sa mga residente gani gilayon nga napalong ang kalayo mga las-7:50 sang gab-i.
Ginatipon pa ni Ganancial ang kabug-usan nga balor sang kahalitan sang sunog pero sa initial niya nga report, naglab-ut sa P27,000 ang ginbilin nga kahalitanan sa balay.
