ILOILO CITY — Malapit P1 million pesos nga balor sang suspected shabu ang na-recover sa drug buy bust kag implementasyon sang search warrant sa North Baluarte, Molo kaina sang kaagahon.
Nakapalagyo sa operation si alyas Noli, 43-anyos kag nagatrabaho nga taxi driver samtang arestado naman ang iya live-in partner nga si alyas Negra, 34-anyos.
Una nga gin-conduct ang drug buy bust sa din nabaklan sang duha ka sachets sang suspected shabu ang mga subjects nga ginabanta nagabalor sang P34,000.
Ginpahayag ni City Drug Enforcement Unit (CDEU) Head Lt. Colonel Antonio Benitez, Jr. nga nakabaton sila sang impormasyon nga may ginatago nga illegal drugs sa kwarto sang mag-live in gani nag-apply sila sang search warrant.
Na-recover pa gid ang 16 ka sachets sang illegal drugs nga ginabanta nagabalor sang P816,000.
Sa kabug-usan, P850,000 ang balor sang illegal drugs nga na-recover, P10,000 nga buy bust money kag mga non-drug items.
Ginakabig sang CDEU nga lunsay mga high value individuals ang mag-live in partner.
Ginpahayag ni Lt. Colonel Benitez nga isa si alyas Noli sa daku nga distributor sang illegal drugs sa siyudad sang Iloilo.
Ginpanginwala naman ni alyas Negra nga nagabulig siya sa illegal nga aktibidad sang iya ka-live in. Wala man sila nagagamit sang illegal drugs.
