“Indi ini maka-apekto [sa akon kandidatura]” —Sinikway, Lapuz Brgy. Kapitan Corazon Coo sa pagkalakip sang iya ngalan nga gina-angut sa NPA

ILOILO CITY – Ginapanindugan ni Barangay Kapitan Corazon Coo sang Sinikway, Lapuz nga wala siya sang kahilabtanan sa New People’s Army.

Nalakip ang ngalan ni Coo sa pito ka nagapadalagan sa Barangay & SK elections sa siyudad kag probinsya nga gin-angut sa NPA, base sa naglapta nga mga flyers kagab-i kag kaina sang aga.

Paathag ni Coo, konektado siya sa “Katilibingan sang mga Imol sa Syudad” nga isa ka legal nga grupo, pero nag-untat na siya sang 2019 sang nangin OIC siya sa ila barangay tungod nagpa-Australia ang ila kapitan.  

“Indi ini maka-apekto [sa akon kandidatura] kay nakita sang pumuluyo nga wala ako diri nagahalin. Ari ako diri kag nagahimo sang maayo para sa mga pumuluyo. Tanan nga problema kag sang time sang pandemic ari ako diri sa barangay,” pahayag ni Coo. —via Aksyon Hotline