Pamilya sa San Miguel, Iloilo 100% nga sigurado nga si Kristopher Cabalquin ang bangkay nga wala sang ulo kag magtimbang nga butkon nga nasapwan sa Jaro

SAN MIGUEL, Iloilo – Positibo nga gin-identify sang iya utod kag pakaisa nga si Kristopher Cabalquinto, 32 anyos, ang bangkay nga wala sang ulo kag magtimbang nga butkon nga nasapwan sa Buhang, Jaro kahapon sang aga.

Suno ini kay Feliza, iloy ni Kristopher.

Ginsaysay ni Feliza nga Nobyembre 2 sang katapusan niya nga nakita ang iya bata tungod nanyapon pa sa ila tupad balay.

May nakakita suno kay Feliza sa iya bata nga may gintabo nga babaye sa 7/11 sa ila man banwa sang Nobyembre 2 man sang gab-i.

Halin sadto, wala na nakapauli si Kristopher nga indi niya man batasan suno sa iya iloy.

Kun maglagaw ang iya bata, nagapauli gid siya suno kay Feliza tungod nga may motorsiklo siya.

“Si Kristopher mahipuson diya nga bata. Permi lang na siya diri sa balay. Waay man ra ti grupo. Amo na nga indi gid ako kasabat [kun gadruga siya],” suno sa iloy. Nagsabat si Feliza sa pamangkot kun nagabisyo ang iya bata tungod may nakita nga suspected shabu sa brief sang bangkay sang gin-usisa sang SOCO kahapon.

Sa subong, wala pa makita ang ulo sang bangkay. Wala man nakita ang motor ni Kristopher. —via Aksyon Hotline