Nangin low-key ang pagbisita ni Vice President Sara Duterte sa Sara, Iloilo kahapon.
Suno kay Mayor Jon Aying, nag-story telling ang bise presidente sa Sara Central Elementary School bilang kabahin sang “Pambansang Buwan at Araw ng Pagbasa.”
Nagpanagtag man siya sang school bags nga naga-unod sang school supplies kag dental kits, kag nag-tree planting sa amo nga eskwelahan.
Wala sang may ginpadala nga imbitasyon ang kampo sang bise presidente sa mga katapo sang media kag iban nga opisyal sang Iloilo magluwas lang kay Mayor Aying.
Ginpahayag sang alkalde nga wala sila sang may gin-istoryahan parte sa pulitika sang bise presidente.
