17-anyos nga dalagita brutal nga ginpatay sa Negros Occidental

Nadakpan na sang Cadiz police ang suspek sa pagpatay sa 17-anyos nga babaye nga senior high school sa Cadiz City, Negros Occidental sang Enero 7.

Suno kay Police Lt. Col. John Joel Batusbatusan, hepe sang Cadiz City Police Station, na-aresto si Federico Delfin, 62-anyos kahapon sang aga sa Kabankalan, sa bulig sang mga testigo.

Enero 8 sang may nabaton nga report ang Cadiz police nga nagpadulong sa Kabankalan ang suspek.

Ginpahayag ni Batusbatusan nga gin-ako sang suspek nga ginpatay niya ang biktima tungod na-impito lang sang nagsabat sa iya.

Dugang ni Batusbatusan nga nagapangimon man ang suspetsado kun may nagapangaluyag sa dalagita, suno sa pamilya.

Desidido ang pamilya sang biktima nga pasakaan sang kaso ang suspetsado.

Nasapwan ang biktima nga wala na sang panapton, may laslas sa liug, utod ang wala nga dulunggan kag utod ang walo ka tudlo sa magtimbang nga kamot.