ILOILO — Wala nakahingagaw guwa sa ginamaneho nga jeep ang 52-anyos nga driver sang nahulog sa pil-as sa Brgy. Panuran, Lambunao pasado las-8:50 kahapon sang aga, Marso 23.
Suno kay Police Staff Sergeant Edran Lozarita, imbestigador sang Lambunao Municipal Police Station, pakadto sa poblacion ang jeep nga may karga sang mga patubas sang natabo ang aksidente.
Samtang nagabyahe sa durulhugon nga porsyon sang dalan, ginpahayag sang police nga nag-malfunction ang preno sang jeep amo nga nadulaan sang kontrol sa preno ang driver kag nahulog sa pil-as nga ginabanta may kadalumon nga 15-20 meters.
Madugay na nga naga-deliver sang mga utanon ang driver nga ginkilala kay Alex Lastimoso suno sa police. Indi man accident prone area ang porsyon sang dalan nga natabuan sang aksidente suno sa police.
Wala sang iban nga upod ang driver sang natabo ang insidente suno naman kay Police Major Joegen Suegay, hepe sang Lambunao police station.
![“Handom niya gid maka-abot sa [lugar nga] natawuhan sang Kristo” —Mrs. Paterna Prodigo, iloy ni Mary Grace Prodigo-Cabrera nga napatay sa pag-atake sang Hamas sa Israel](https://aksyonradyoiloilo.com.ph/wp-content/uploads/2023/10/PATAY-1-440x264.png)
